منتديات جروح الروح
اهلا وسهلا بزوارنا الكرام
منتديات جروح الروح
اهلا وسهلا بزوارنا الكرام
منتديات جروح الروح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات جروح الروح


 
الرئيسيةأحدث الصورالتسجيلدخول

 

 أنواع البنات في الماسنجر‎

اذهب الى الأسفل 
2 مشترك
كاتب الموضوعرسالة
جروح الروح
المديره العامه
جروح الروح


عدد المساهمات : 1120
تاريخ التسجيل : 07/04/2010
الموقع : فدوة لطيبه الطيبه

أنواع البنات في الماسنجر‎ Empty
مُساهمةموضوع: أنواع البنات في الماسنجر‎   أنواع البنات في الماسنجر‎ Icon_minitimeالسبت يوليو 24, 2010 8:51 am

أنواع البنـــات في المسنجر


أنواع البنات في الماسنجر‎ Yomiko-thumbnail
العاقله!
لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرا..
واذا حد ارسل لها فايل او رابط اغنية حطت له علامة استفهام وتسكت نص ساعه ماتكلمه..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت حدها مستانسة تحط ثلاث ابتسامات.



أنواع البنات في الماسنجر‎ WhatIwouldlooklikeasanAkatsuki
المصلحجية!
ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول في الخارج.. واذا احتاجت مساعدة تجيك وتسلم عليك وتقول وينك من زمان ماشفتك؟ شدعوه ماتسال علي؟
ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. لووووول حلوه الترقيعه
وبعد ماتخلص مصلحتها تقولك عن اذنك بروح اكمل مذاكره واختي بتقعد مكاني لاتكلمها بليز لووووول.



أنواع البنات في الماسنجر‎ Nagato_laptop
الرسميـة!!
ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..
رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..
ولما تعطيها اهداء تقولك شمعنا انا بالذات؟ لووول ياحياة الشقا.. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.



أنواع البنات في الماسنجر‎ 2c579dd5
الهبلــة!
هذي كل سوالفها ضحك.. وكل شوي تكتب نكته وتضحك بروحها.. وضحكتها طويله تقريبا ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. ينقالها متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون الخط لوووول.



أنواع البنات في الماسنجر‎ Fight_fight_fight
الدفشــة!!
تغيب أيام طويلة مدري وين تروح وترجع فجأة.. وكلماتها مثل.. شخبار امك عساها طيبة؟ يادلخ.. انقلع.. ضف وجهك.. ابي فزعه.. لاتزعل من اوخيتك تراني امزح..
ودايم تطيح الميانة.. وثقافتها ماتعدى المتوسطه.. وتفكيرها في البر والتفحيط والددسن.. وتمووت في اغاني خالد عبدالرحمن..
وماتعرف من العطورات غير دهن العود ابوعشرين.. ولو كلمتها عن ماركة قوتشي او ديور بتقولك مقاطعة الامريكان.. وضحكتها >> هع هع هع
وتكتب بلون اسود لانها ماتعرف تغير الالوان هع.



أنواع البنات في الماسنجر‎ 8e5ffbb7b1987da80c2725931741746f0522b318_full
البطــــة!
طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس..
ولما ينادونها للعشا تقفل الماسنجر بسرعة البرق.. لوووول وعادة يكون نكها الفراولة او شوكولاته أنيقة او رمانه مخصرة..
ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.




أنواع البنات في الماسنجر‎ Mahoro-with-laptop
البريئــة!
عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟
تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك


أنواع البنات في الماسنجر‎ Ugly
الشينـــة!
اسمها الحقيقي نوره او رقيه.. ويعايرونها في البيت ام ضرس او الحولا او البطه او ام جبهة..
وتجي الماسنجر تتميلح وتقول اسمي الجوهره أو مشاعل او فاتن او شهد او ريم.. ودايم تنتقد و مايعجبها العجب.. واذا شافتك مشغول انواع الهواش والشتايم
واذا عطيتها وجه انواع الصفط والركب
تحتار كيف ترضيها.. تعطيها اغنية تقولك ماحب الاغاني.. تعطيها كرت تقولك انا مو بزره قدامك.. تشبه سنفور غضبان كل شي يضايقها وكل شي يزعلها..
تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. أميرة.. الى اخره.




أنواع البنات في الماسنجر‎ Wall_wedding
المتزوجـة!
هذي ممكن تكون سبب في كرهك للزواج.. كل سوالفها عن مشاكل الزواج و غثى اعيالها.. وفجأة تقولك برب وتروح تصرخ على عيالها وترجع وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل الماسنجر في وجهك وتطلع من غير لاتقول باي لوووول..
اوقاتها مختلفه مالها وقت محدد.. وترز صورة اعيالها في الماسنجر ينقالها تحبهم لوووول.. شعارها يازين حياة العزوبيه
نكها مثل المهمومه.. الجريحه.. المهاجره.. وتحب تسمع الكلام العاطفي وأغاني عبدالحليم.. مزاجها متقلب

مرة تضحك ومره تبكي
الرجوع الى أعلى الصفحة اذهب الى الأسفل
Admin
Admin
Admin


عدد المساهمات : 1152
تاريخ التسجيل : 07/04/2010
الموقع : saihat

أنواع البنات في الماسنجر‎ Empty
مُساهمةموضوع: رد: أنواع البنات في الماسنجر‎   أنواع البنات في الماسنجر‎ Icon_minitimeالأحد يوليو 25, 2010 7:37 am

يسلمو على الموضوع الروعه

ويعطيك الله الف عافيه
الرجوع الى أعلى الصفحة اذهب الى الأسفل
https://jro7ealroo7.yoo7.com
جروح الروح
المديره العامه
جروح الروح


عدد المساهمات : 1120
تاريخ التسجيل : 07/04/2010
الموقع : فدوة لطيبه الطيبه

أنواع البنات في الماسنجر‎ Empty
مُساهمةموضوع: رد: أنواع البنات في الماسنجر‎   أنواع البنات في الماسنجر‎ Icon_minitimeالإثنين يوليو 26, 2010 7:07 am

مرورك يسعدني
تحياتي
الرجوع الى أعلى الصفحة اذهب الى الأسفل
 
أنواع البنات في الماسنجر‎
الرجوع الى أعلى الصفحة 
صفحة 1 من اصل 1
 مواضيع مماثلة
-
» جني يغازل فتاة في الماسنجر قصه حقيقية
»  كل أنواع التشيز كيك‎
» أنواع الإبتلاءات أسبابها وعلاجها
» نهاية مرافقت البنات
» صور سيارات البنات مره في قمة الروعه

صلاحيات هذا المنتدى:لاتستطيع الرد على المواضيع في هذا المنتدى
منتديات جروح الروح  :: ::ღ جروح الروح لـ التقنـِبـَه الـِعصريـَة ღ:: :: جروح الروح !! . . ◦● Mşή wσяḼđ ~-
انتقل الى: